Kismayo (KAAB TV) -Ciidamada Xoogga dalka Soomaaliyeed oo garab ka helaya kuwa daraawiishta Jubbaland ayaa labadii maalmood ee u dambeeyay howlgalo ciidan ka sameeyay wadada xiriirisa magaalooyinka Luuq iyo Doolow ee gobolka Gedo.
Howlgalka wadajirka ah ayaa lagu guuleystay in lagu xoreeyo ilaa toban tuulo oo yar yar si ay u carqaladeeyaan gacan ku heynta maleeshiyaadka, islamarkaana ay lacago laaluush ah uga qaataan dadka deegaanka.
“Waxaan ka soo ambabaxnay degmada Luuq si aan uga sifeyno Khawaarijta [Erayga bahdilka ah ee ay dowladda Soomaaliya u adeegsan jirtay Al-Shabaab] ee dadka ku dhibaateyn jiray, dadka wadada ku socdaalayana lacago baad ah ka qaadan jiray, way naga carareen, waan sii wadnaa Waxaan ku baacsanay intii uu howlgalka socday waxaan ku burburinay fariisimo ay ku lahaayeen wadada xiriirisa Doolow iyo Luuq” ayuu yiri Cali Xasan Cabdi oo ah taliye ku xigeenka ciidamada daraawiishta Jubbaland.
Ciidamada dowladda Federaalka iyo kuwa Jubbaland ayaa xoojiyey howlgallada lagu doonayo in maleeshiyaadka looga saaro deegaanada muhiimka ah ee Jubbaland.