Muqdisho (KAAB TV) – Dowladda Soomaaliya ayaa xabsiga dhigtay agaasimayaasha afar isbitaal oo waaweyn oo ku yaalla magaalada Muqdisho kaddib markii ay diideen in si buuxda loo dhaqan geliyo canshuur cusub oo 5% ah oo dhawaan lagu soo rogay ganacsiyada ku yaalla magaalada Muqdisho sida ay saraakiisha xaqiijiyeen.
Agaasimayaasha Shaafi, Kalkaal, Somali Sudanese, iyo Isbitaalka Muqdisho ayaa la xiray ka dib markii ay dadweynuhu ka soo horjeesteen canshuurta qiimaha lagu daray (VAT) ee adeegyada daryeelka caafimaadka, iyagoo ku doodaya in laga dhaafo xarumaha caafimaadka dadweynaha.
Xildhibaan C/raxmaan C/raxmaan C/shakuur ayaa sheegay in maamulka Isbitaalka ay haysteen muddo saddex maalmood ah ka hor inta aan la sii deyn wada hadal dheer kadib.
Xildhibaan C/raxmaan C/raxmaan C/shakuur ayaa sidoo kale wax lala yaabo ku tilmaamay in isbitaallada ay dowladdu maamusho sida Banaadir iyo Martiini oo la rabay in ay bixiyaan adeegyo lacag la’aan ah ay billaabeen lacago ay ka qaadaan bukaannada sababo la xiriira dhaqaale xumo, taasoo sii murjineysa xaaladda caafimaad ee magaalada.
Xariga ayaa dhaliyay dood ku saabsan dheelitirka u dhexeeya siyaasadda maaliyadda iyo daryeelka bulshada, gaar ahaan waddan ay helitaanka daryeelka caafimaadku weli tahay arrin muhiim ah.