Calimiskaad (KAAB TV) – Ciidanka ladagaalanka argagixisada Puntland ayaa dagaal xooggan kula wareegay dhammaan talisyadii kooxda argagixisada Daacish ee Calmiskaad, waxa ayna halkaasi ku dileen xubno badan oo katirsanaa Daacish oo isugu jira Soomaali iyo ajaaniib.
Sidoo kale, Saraakiisha ciidanka hoggaamineysa, ayaa sheegay in jab xooggan gaarsiiyeen dagaalyahannadii Daacish, waxa ayna sheegeen in hadda howlgalku socdo ayna sii erynayaan xubno kale oo katirsan kooxda Daacish oo baxsad ku jira.
Dhanka kale, Warbaahinta ciidanka Puntland ee howlgalka ku jira, ayaa soo bandhigtay sawirada meydadka xubno katirsan kooxda Daacish, kuwaa oo u badnaa xubno ajaaniib ah oo kooxdaasi u dagaallameysay kuna sugnaa dhulka buuraha.
Sikastaba, Ciidamada maamulka Puntland, ayaa bilaabay howlgal balaaran ay ku doonayaan in dhulka buuraha ah uga saarana kooxda Daacish, waxa ayna ciidamadan taageero dhinaca cirka ah ka helayaan saaxiibada Soomaaliya oo duqeymo ku garaacaya aagga ay joogaan Daacish.
