Muqdisho (KAAB TV) -Madaxweyne Xasan Sheekh Maxamuud waxa uu noqday mid u sabab noqda shacab badan oo Muqdisho ku nool la kulmaan barakicin, argagax joogto ah, madaxweynuhu ma noqon ilaaliye, wuxuu noqday sida bahal ugaadhsade ah, oo si habaysan u beegsada Soomaalida inta ugu nugul sida hooyooyinka, waayeelka iyo carruurta u baahan ilaalintiisa sidaas waxaa warbaahinta u sheegaay dad badan oo xilal ka soo qabtay soomaaliya.
Cagaf-cagafyada taliskiisa oo ay ku shaqeeyaan askarta iyo kaarteelada ayaa ah hub loo isticmaalo shacabka, waxay dumiyaan guryaha dadka tabarta yar, qoysaska ciidamada iyo kuwa saboolka ah, ma aha inay horumar sameeyaan, ee waxay u dumiyaan dantiisa gaarka ah iyo danta kaarteelka isugu jira siyaasiyiinta, qaraabadiisa & ganacsato maafiyo ah.
Waa wax aad looga xumaado in la arko hoggaamiye si shakhsi ah uga faa’iidaysanaya ilmada muwaadiniintiisa waa ceebta ugu weyn ee suurtogalka ah, waa baabi’in buuxda oo Xishoodka iyo khiyaamo lagu hayo ammaanada muqadaska ah ee Islaamka iyo hoggaanka sidaas waxaa yiri’mid ka mid ah shacabka sida xooga ah lagu barakiciayay magaalada muqdisho.
xasan sheikh wuu iska dhega tiray oohinta hooyooyinka, waayeelka, Caruurta, dacwo kastaa waxay la kulantay rabshad, ilmo kasta oo guri la’aan ku dhacday waxay caddayn u tahay faaruqnimadiisa.
Shacabkii doonayay inuu quudiyo ayuu cunay, Dhulkiina wuxuu ka iibiyey kuwii isaga u dhowaa iyo kuwii wax heystay.
Arintani waa ka badan tahay musuqmaasuqa, waa danbi weyn oo laga galay shacabkaa Soomaaliyeed ee Islaamka ah, bini’aadantinimada & waajibka aasaasiga ah ee hogaamiyaha laga rabay inuu gaashaan u noqdo dadka aan awooda lahayn.
Xasan Sheekh Maxamuud looma dooran inuu noqdo mid iyaga noloshooda dumiya, si uu isaga nolol iyo awood uga sameysto, magiciisana waxaa waligiis ku suntanaan doona ceebtan laga dhaxlay xukinkiisa arxan laawaha ah, xishoodka iyo qiyamka ka tagay.