LAASCAANOOD (KAAB TV) – Warar dheeraad ah ayaa ka imaanaya magaalada Laascaanood ee Xarunta Gobolka Sool ayaa waxaa ay sheegayaan in halkaasi ay gaareen Ciidamo aad u farabadan oo ka tegay degaano ka tirsan Gobolka Sanaag.
Ciidamadaan oo u abaabulan hab Beeleed ayaa laga abaabulay degaanka xingalool ee gobolka sanaag, iyaga oo qeyb ka noqonaya xoogagga SSC ee duleedka magaalada Laascaanood kula dagaalamaya Ciidamada Somaliland.
Saraakiil katirsan Ciidamada xoogagga SSC iyo waxgaradka Magaalada Laascaanood ayaa soo dhaweeyay ciidamadaan oo wata Gaadiidka dagaalka iyo hubka nocyadiisa kala duwan, waxaana saraakiisha hoggaamineysa ay sheegeen inay ku biirayaan dagaalka ka dhanka ah Al-Shabaab.
Waa markii Saddexaad oo Magaalada laascaanood ay gaaraan Ciidamo ka tegay degaanka xingalooel ee gobolka sanaag ay gaaraan Magaalada laascaanood, waxaana la filayaa in saacadaha soo socda ay ciidamo kale tagaan Gobolka Sool.
Tan iyo markii dagaalka uu ka billaawday magaalada laascaanood ee Xarunta goolka Sool ayaa dhinacyada ku dagaalamaya ee Somaliland iyo xoogagga SSC waxaa ay halkaasi geeynayeen Ciidamo horleh wallow weli labada dhinac aysan gaarin guulo waaweyn oo la taaban karo.
