GAROOWE (KAAB TV) – Madaxweyne Siciid Cabdullaahi Deni, ayaa Khadka taleefanka Kula hadlay Hoggaanka cusub ee guddiga SSC, Cabdiqaadir Axmed Aw-Cali Firdhiye.
Dhanka kale, Siciid Deni ayaa ugu hambalyeeyey Firdhiye hoggaanka cusub ee loo doortay isagoo Bogaadin iyo mahadcelin kadib, kala hadlay sidii loo adkeyn lahaa difaaca gobolka Sool.
Sidoo kale, Cabdulqaadir Axmed Aw Cali oo loo yaqaan Cabdulqaadir Fidhiye waxaa loo doortay shalay Hogaanka SSC ka dib markii ay u codeeyeen 30 ka mid ah 45-ka xubnood ee uu ka kooban yahay Golaha dhexe SSC Khaatumo.
Qoraalkan kasoo baxay madaxtooyada Puntland ayaa imaanaya kadib markii shalay golaha dhaqanka SSC Khaatumo ay doorteen hoggaan cusub oo xilka heyn doona labada sano ee soo socota.
Hoggaankan cusub ayaa la wareegaya dhamaan maamulka SSC oo awal madaxda dhaqanka dusha ka saarnaa iyo guddiga 33-da ahaa oo haatan hawshoodii dhamaatay.