Cad-Cadey (KAAB TV) – Ciidanka xoogga dalka iyo kuwa shacabka ayaa la wareegay degaanada kale ah Cad-cadeey iyo Cadaan-laxey oo ka mid ahaa goobaha fara ku tiriska ah ee ay ku hareen kooxda Al-shabaab ee gobolka Sh/dhexe.
Ciidamada ayaa si nabad ah kula wareegay degaanadaasi, kadib markii ay isaga baxeen Al-shabaab oo ka war helay duulaanka ku soo wajahan.
Sidoo kale, qabashada degaanada Cadcadey iyo Cadaanlaxey ayaa muhiim u ah sugidda amaanka degmada Ruun-nirgood iyo deegaanada ku teedsan oo ay hadda joogan ciidanka xoogga dalka oo kaashanaya dadka degaanka.
Al-Shabaab oo laga qabsaday inta badan degmooyinka iyo degaanada gobolka Sh/dhexe ayaa isku dayaya iney dhaqdhaqaaq ku yeeshaan gobolkaas.
Dhinaca kale, saraakiisha ciidanka DF ee Aw dheegle ayaa sheegay inuu sii kordhay khasaaraha Al-shabaab ka soo gaaray weerarkii ay shalay soo qaadeen, iyagoo xusay in meydadka qiyaastii 100 dagaalyahan laga helay dhulka beeraha ah ee ku teedsan degmadaas.