Afgooye (KAAB TV) – Guddoomiye ku-xigeenkii degaanka Mareerey ee gobolka Sh/hoose ayaa ku dhintay qarax miino oo galabta ka dhacay degaankaas.
Sidoo kale, Marxuum Cali Cumar ayaa gaari ay la socdeen isaga iyo askari ilaalo u aheyd waxa uu qarax ku qabsaday buundada degaanka Mareerey oo hoos taga degmada Afgooye ee gobolka Sh/hoose.
Dhanka kale, Qaraxa ayaa waxaa sidoo kale dhimasho iyo dhaawac ku noqday qaar ka mid ah ilaalada la socotay gudoomiye ku-xigeenka sida wararku nagu soo gaarayaan.
Gudoomiyaha Degmada Afgooye ahna duqa magaalada Abdullahi Mohamed Osman hiraabe ka tacsiyadeeyey Geerida Gudoomiye ku-xigeenkii Deegaanka Mareerey marxuum Cali Cumar.
“Ilaahey ha u naxariisto Guddoomiye Cali Cumar oo tiir muhiim ah u ahaa Maamulka deegaanka Mareerey, ehelkiisa iyo qaraabadana Samir iyo iimaan ALLE ha inaga siiyo, marxuumkana Janatul fardowsa ILAAHEY haka waraabiyo” ayuu yiri duqa magaalada Afgooye.