Muqdisho(kaab tv)Maanta waa Maalinta Xuquuqul Insaanka oo sannad walba caalamka laga xuso 10ka bisha Disembar.
Magaalada Muqdisho ee Caasimadda Soomaaliya ayaa manta lagu qabtay dood cilmiyeed ay ka qeyb galeen dad kala duwan.
Waa maalinta la maamuso Baaqa Caalamiga ah ee Xuquuqda Aadanaha (Universal Declaration of Human Rights) oo ay meelmariyeen xubnaha Qaramada Midoobay, 10kii Disembar 1948kii.
Qodobka 19-aad ee Baaqa Caalamiga ee Xuquuqda Aadanaha ayaa qeexaya in “qof kastaa xaq u leeyahay xorriyadda ra’yigiisa iyo afkaartiisa”.
Xuquuqdan waxaa ka mid ah xorriyadda ra’yi dhiibashada iyada oo aan la faragelin iyo in qofku raadsado, helo oo uu gudbiyo macluumaadka iyo fikradaha, kuna gudbiyo nooc kasta oo warbaahin ah iyo iyada oo aan loo eegin xuduud.Munaasabadda xuska maalinta #Xuquuqda Aadanaha darteed, Somali Journalists Syndicate – SJS ayaa martigelineysay dood-cilmiyeed looga hadlay arrimaha xuquuqul insaanka ee Soomaaliya.
Falanqeeyayaasha waxay ka koobanayeen wakiillo ka socday warbaahinta, kooxaha xuquuqda haweenka, u dhaqdhaqaaqayaasha bulshada laga tirada badan yahay, iyo hoggaamiyayaasha dadka naafada ah.
Waxaanu mahad-naq balaadhan u soo jeedinaynaa National Endowment for Democracy taageeradeeda muhiimka ah ee hawlgallada Somali Journalists Syndicate – SJS ayaa lagu yiri qoraalka ka soo baxay sjs.