Muqdisho (KAAB) – Waxaa goor dhaw magaalada Muqdisho ka dhacay qarax jugtiisa laga maqlay meelo ka mid ah magaalada Muqdisho.
Qaraxan oo laga soo buuxiyay Mooto Bajaaj ayaa ka dhacay waddada Taleex ee magaalada Muqdisho , gaar ahaan Masjidka Ramadaan.
Dad ku sugan halka uu qaraxa ka dhacay ayaa sheegay inuu jiro khasaare soo gaaray dad ka ag dhaw halka qaraxa uu caawa ka dhacay.
Qaraxa ka dib waxaa goobta soo gaaray ciidamo ka tirsan Dowladda Soomaaliya halkaas oo la sheegay in ay xireen oo ay diideen isu socodka dadka iyo gadiidka.
Laamaha amaanka wali ma aysan ka hadlin qaraxa caawa ka dhacay magaalada Muqdisho oo maalmahan ay ka jirtay falal amni darro.