Puntland (KAAB TV) -Maamul-goboleedka Puntland ayaa soo saaray digniin uu ku saadaaliyay roobab wata dabaylo xooggan. Wasaaradda Gargaarka iyo Maareynta Masiibooyinka ee dowlad goboleedka Puntland ayaa digniin u dirtay shacabka ku dhaqan magaalada Laas-qoray ee gobolka Sanaag oo saacadihii la soo dhaafay uu roob ka da’ay.
War-saxaafadeed ay wasaaraddu soo saartay ayaa lagu sheegay in shacabka ku nool Laas-qoray iyo duleedkeeda looga baahan yahay inay muujiyaan feejignaan dheeri ah, si looga fogaado khasaaraha ka dhalan kara roobabka.
“Waxaan u soo jeedineynaa shacabka ku dhaqan degmada Laas-qoray iyo duleedkeeda in ay ka fogaadaan xeebaha iyo deegaanada hoos yimaada” ayaa lagu yiri war ka soo baxay Wasaaradda Gargaarka iyo Maareynta Musiibooyinka ee dowlad goboleedka Puntland.
Digniintan kasoo baxday Puntland ayaa kusoo beegmeysa xilli saacadihii lasoo dhaafay uu roob xooggan ka da’ay magaalada Laas-qoray, kaasoo dadka deegaanku ay sheegeen inay geysteen khasaare badan.
Dawlad-goboleedka Puntland waxay ku boorinaysaa dadka deegaanka inay qaadaan tallaabooyinka taxaddarka ah ee lagama maarmaanka ah si loo yareeyo khataraha la xiriira dabaylaha xooggan iyo roobabka xooggan ee la filayo.
Digniintan waxay u adeegtaa sidii xasuusin ah muhiimadda ay leedahay in mudnaanta la siiyo u-diyaargarowga xaaladda degdegga ah iyo xeeladaha wax ka qabashada marka ay dhacaan masiibooyinka dabiiciga ah si loo dammaanad qaado badbaadada, amniga, iyo wanaagga muwaadiniinta.