BAYDHABO (KAAB TV) – Ra’iisul Wasaaraha Soomaaliya, Hamza Abdi Barre, ayaa si lama filaan ah ugu dhawaaqay in Soomaaliya aysan aqbali doonin in dagaalka daneysiga ah ee u dhexeeya Masar iyo Itoobiya la keeno xuduudaheeda.
Ra’isul wasaaraha oo haysta dhalashada Soomaaliya iyo Itoobiya, ayaa hadalkan ka jeediyay magaalada Baydhabo, oo ah caasimadda ku-meel gaarka ah ee Maamulka Koonfur-Galbeed, intii lagu guda jiray wada-xaajoodyo uu la lahaa hoggaamiyeyaasha degaanka oo ku saabsanaa arrinta muranka dhalisay ee ku saabsan ciidanka Masar ee la geynayo koonfurta Soomaaliya.
Tallaabada lagu doonayo in lagu keeno ciidamo Masar ayaa keentay diidmo baahsan.
Mas’uuliyiinta Koonfur Galbeed ayaa si adag uga soo horjeestay keenitaanka ciidamada Masar, kuwaas oo Midowga Afrika (AU) uu oggolaaday bishii Agoosto.
Horraantii toddobaadkan, madaxweynaha maamulka Koonfur-Galbeed ayaa si buuxda u taageeray mudaharaadayaal gobolka Bakool oo u ololeynaya in ay sii joogaan ciidamada nabad-ilaalinta Itoobiya ee haatan ilaalinaya amaanka bulshada degaanada Koonfur Galbeed.
Ra’iisul Wasaare Xamse ayaa si cad u sheegay in dagaalka u dhexeeya Masar iyo Itoobiya ee biyaha Webiga Niilka aanu u gudbi doonin Soomaaliya.
“Ma oggolaan doonno in dowlado kale ku isku dilaan dalkeenna. Waxaan ka shaqeyn doonnaa in khilaafaadka dowladaha kale, [Masar iyo Itoobiya], ay iyaga uun ka dhexeeyaan,” ayuu yiri Xamse.
Hadalkan ayaa ah tallaabo cusub oo muhiim ah, maadaama uu kasoo horjeedo tuhuno sii kordhaya oo ku saabsan in maamulka Madaxweynaha Soomaaliya, Xasan Sheekh Maxamuud, uu hoos galay Masar, oo lagu sheegay in ay xiriir diimeed ka dhaxeeyo.