New York (KAAB TV) – Madaxweynaha Mareykanka Donald Trump, ayaa albaabka u furay dagaal ganacsi oo caalami ah, kaddib markii uu saxiixay canshuur 25% ah oo uu ku soo rogay Canada iyo Mexico, halkaa Shiinaha uu saaray canshuur 10% . Manalahan wax canshuur dhaaf ah.
Sidoo kale, Aqalka Cad ayaa xaqiijiyay in Sabtidi shalay ay dhaqan gashay canshuur-kordhinti uu Madaxweyne Donald Trump saaray badeecadaha ay dalalka Mexico, Canada iyo Shiinaha u soo dhoofiyaan Mareykanka.
Dhanka kale, Isla markiiba Mexico, ayaa ku jawaabtay inay alaabaha Mareykanka saartay canshuur 25% iyadoo ka aargudaneysa talaabada uu qaaday Madaxweyne Trump.
Waxaa xigtay Ra’iisul Wasaaraha xilka ka deggaya ee Canada, Justin Trudeau oo kaliya aan canshuur saarine badeecadaha Mareykanka,balse ugu baaqay dadka Canada inay ka fogaadaan alaabaha Mareykanka, sidoo kalena halkii ay fasaxyada u aadi lahaayeen Mareykanka ku qaataan gudaha Canada ama dalal kale tagaan.
Ugudambeyntii, Shiinaha si aamusnaan ah ayuu u daawanaya, mana bixin wax falcelin ah oo la xiriirta canshuurta 10% ee wax badan ka hooseysa midda Mexico iyo Canada balse waxaa la sheegay iney qiimeynayan talaabadii ay qaadi lahaayeen.