BOOSAASO (KAAB TV) – Koox hubeysan ayaa saaka oo Talaado ah afduubtay Yuusuf Dheere oo ahaa maamulaha xawaaladda Amal ee magaalada Qardho, Puntland.
Dhacdadan waxay dhacaysaa ka dib fal kale oo afduub ah oo ka dhacay xalay magaalada Boosaaso, halkaas oo koox hubeysan ay afduubteen injineer dhisme oo ka shaqeynaya ballaarinta garoonka diyaaradaha Boosaaso.
Weli lama xaqiijin in labada dhacdo xiriir leeyihiin.
Booliska Puntland weli kama aysan hadlin midkoodna.