Kismayo (KAAB TV) -Ciidamada dowladda Soomaaliya oo garab ka helaya maleeshiyaad deegaanka ah ayaa iska caabiyay weerar ay Al-Shabaab ku qaadeen saldhig ciidan oo ku yaalla gobolka Jubbada Hoose.
Al-Shabaab ayaa weerarka ku bilowday qaraxyo waxaana xigay dagaal culus oo kooxda iyo ciidamada dowladda oo garab ka helaya kuwa Daraawiishta Jubbaland iyo maleeshiyo beeleedyo deegaanka ah ku dhexmaray deegaanka Harboole oo ku dhow degmada Afmadow.
“Saakay geesiyaasha ciidanka xoogga dalka ayaa fashiliyay weerar fuleynimo ah oo ay Khawaarijtu isku dayeen in ay ka fuliyaan deegaanka Harboole oo ka tirsan degmada Afmadow ee Jubbada Hoose, Khawaarijta Khawaarijta ayaa gaaray, walina geesiyaasha qaranka ayaa baacsanaya maleeshiyaadkii u cararay. kaynta,” ayaa lagu yiri war kasoo baxay dowladda Soomaaliya.
Weerarkan ayaa imaanaya maalin kadib markii ugu yaraan shan ka tirsan Al-Shabaab lagu dilay gaari ay la socdeen oo miino kula kacday inta u dhaxeysa deegaanada Guduudey iyo Buka Bacaad ee gobolka Jubbada Dhexe. Gaariga ayaa sidoo kale waxaa saarnaa walxaha qarxa, waxaana gabi ahaan gaariga gubtay.