Washington(KAAB TV) -Madaxweynaha Dalka Maraykanka Donald Trump oo billaabay dhaqangelinta ballanqaadkiisii ololaha ee Doorashada uu ku guuleystay Nofeembar 2024 ayaa fariin u diray shaqaalaha Dowladda marka laga reebo kuwa Amniga ka shaqeeya.
Donald Trump ayaa sheegay in uu kala dhimayo ku dhowaad labada Milyan oo shaqaale si uu koontadada Dowladda ugu sii hayo lacagaha faa’iidooyinka ah ee dib ugu soo laabanayo sida uu hadalka u dhigay Madaxweynaha cusub ee Dalkaas.
Trump ayaa sheegay in muddo siddeed bil ah la siin doonno mushaarkooda joogtada ah qof weliba oo daneynaya in uu isaga tago shaqada Dowladda isla markaana kamid ah kuwa gaartay fariinta loo diray sida uu yiri.
Ololahaan waxaa gacan ka siinaya taajirka siyaasadda Maraykanka ku labmaya ee Elon Musk, waxaana kol hore loo magacaabay maaraynta miisaaniyadda iyada oo la siiyay awood buuxda uu ku qaadan karo go’aanka la habbonaado.