Go’aankii Maxkamadda Sare ee Soomaaliya ay 24-kii Agoosto 2026 ku laashay natiijadii doorashadii Golaha Wakiillada iyo Golayaasha Deegaanka Galmudug ayaa siyaasadda dalka geliyay marxalad cusub. Maxkamaddu waxay sheegtay in doorashadii 30-kii Luulyo aysan waafaqsanayn Dastuurka iyo Sharciga Doorashooyinka, ayna jireen khaladaad saameeyay hufnaanta iyo sharciyadda natiijada. Waxaa sidoo kale la amray in doorasho cusub la qabto, iyadoo hay’adaha hadda jira ay sii shaqeynayaan ilaa kuwo cusub lagu soo doorto.
Laakiin go’aankan sharciyeed wuxuu kusoo beegmay xilli Galmudug ay ahayd goob uu ka jiray loollan siyaasadeed oo xooggan. Sidaas darteed, su’aasha siyaasadeed ee hadda taagan ayaa ah: Khilaafka la sheegay inuu u dhexeeyay Xasan Sheekh Maxamuud iyo Mahad Maxamed Salaad ma saameyn ayuu ku lahaa xaaladdii horseeday in doorashada maxkamad la horgeeyo, mise go’aanka Maxkamaddu wuxuu ahaa arrin sharci oo ka madax-bannaan loollanka siyaasadeed?
Maxkamaddu waxay sheegtay in doorashadii 30-kii Luulyo 2026 aysan waafaqsanayn Dastuurka iyo Sharciga Doorashooyinka, ayna jireen khaladaad iyo wax-is-daba-marinno dhaawacay hufnaanta, madaxbannaanida iyo xalaalnimada geeddi-socodka doorashada. Sidaas darteed, natiijooyinkii doorashada ayaa la laalay,Maxkamaddu ma aysan sheegin in khilaaf u dhexeeya Xasan Sheekh iyo Mahad Salaad uu sabab u ahaa go’aanka.
Doorashada Galmudug waxay ahayd mid xasaasi ah, sababtoo ah natiijadeedu waxay saameyn ku yeelanaysay cidda yeelanaysa awoodda siyaasadeed ee maamulka iyo mustaqbalka tartanka madaxtinimada Galmudug.
Dhinacyada siyaasadda ayaa muddo ku kala aragti duwanaa habka loo maamulayo geeddi-socodka doorashada iyo cidda ka faa’iideysan karta natiijada,Magaca Mahad Salaad ayaa sidoo kale ku jiray doodda siyaasadeed ee ku saabsan mustaqbalka Galmudug.
Kadib markii natiijooyinka doorashada la shaaciyay, Towfiiq wuxuu si rasmi ah u diiday natiijada, isagoo ku eedeeyay guddiga doorashada lagu muransayahay in natiijooyinka la shaaciyay aysan waafaqsanayn tiradii ay wakiilladiisu ka diiwaangeliyeen goobaha codbixinta.
Xisbiga ayaa dalbaday in dib loo eego tirinta codadka iyo habka loo maamulay doorashada. Cabashooyinkaas ayaa noqday qayb ka mid ah murankii siyaasadeed iyo sharci ee ku xeernaa natiijada,Ugu dambeyn, Maxkamadda Sare ayaa laashay natiijadii doorashada oo dhan, iyadoo amartay doorasho cusub.
Mahad Salaad iyo Towfiiq ma isku dhinac ayay yihiin?Tani waa mid ka mid ah su’aalaha ugu badan ee ka dhex socda doodda siyaasadeed.
Waxaa jira isku-xir siyaasadeed oo ay dad iyo falanqeeyayaal qaar sameeyaan marka ay ka hadlayaan Towfiiq iyo Mahad Salaad. Laakiin xiriir siyaasadeed, isku-aragti ama taageero siyaasadeed lama mid aha lahaanshaha ama hoggaaminta urur siyaasadeed.
Go’aanka Maxkamaddu ma yahay sharci mise siyaasad?Tani waa mid ka mid ah su’aalaha ugu waaweyn ee hadda taagan,Dhinacyada taageersan go’aanka Maxkamadda waxay ku doodayaan in maxkamaddu gudatay waajibkeeda sharci, isla markaana ay ilaalisay Dastuurka iyo sharciga doorashooyinka.
Dhinacyada ka soo horjeeda waxay qabaan in go’aanka uu leeyahay dhinac siyaasadeed, maadaama natiijadii doorashadu si weyn u beddeli lahayd awoodda siyaasadeed ee Galmudug.
Laakiin si loo qiimeeyo arrinta, waxaa muhiim ah in la kala saaro go’aanka sharci ee maxkamadda iyo fasiraadda siyaasadeed ee ay dhinacyadu ka bixinayaan.
Abuukaate Xalane: “Racfaan lagama qaadan karo”Doodda kale ee xooggan ayaa ku saabsan haddii xukunka Maxkamadda Sare racfaan laga qaadan karo,Abuukaate Cali Xalane ayaa sheegay in xukunka Maxkamadda Sare aan racfaan looga qaadan karin maxkamad ka sarreysa, maadaama Maxkamadda Sare ay tahay heerka ugu sarreeya ee garsoorka.Hadalkan wuxuu dhaliyay dood sharciyeed, gaar ahaan dhinacyada doonaya inay ka hor yimaadaan natiijada go’aanka.
hadalka Abuukaate Xalane waa fasiraad sharciyeed uu bixiyay, halka waxa kama dambaysta ah ay yihiin waxa ku cad Dastuurka, shuruucda maxkamadaha iyo xeerarka khuseeya dacwadda.
Maamulka Galmudug wuxuu ku yaallaa bartamaha Soomaaliya, wuxuuna muhiim u yahay dagaalka ka dhanka ah Al-Shabaab, isu-socodka gobollada dhexe iyo xiriirka u dhexeeya Dowladda Federaalka iyo dowlad-goboleedyada,Sidaas darteed, cidda saamaynta siyaasadeed ku yeelata Galmudug waxay yeelan kartaa saameyn ka baxsan maamulka laftiisa.Taasi waa sababta doorashada Galmudug loogu arkayay mid ka weyn doorashada goleyaal keliya.Waxay ahayd tartan ku saabsan cidda yeelanaysa awoodda siyaasadeed ee Galmudug iyo jihada uu maamulka mustaqbalka u socon doono.
Natiijooyinkii hore hadda looma adeegsan karo in lagu dhiso hay’adaha cusub ee Galmudug, waxaana loo baahan yahay doorasho cusub. Maxkamaddu waxay sidoo kale amartay in hay’adaha hadda jira ay sii shaqeeyaan ilaa doorasho cusub lagu soo dhiso hay’ado sharci ah,Tani waxay ka dhigan tahay in dhinacyadii siyaasadeed ee hore guusha u arkayay ay hadda mar kale wajahayaan tartan cusub,Towfiiq wuxuu heli karaa fursad uu mar kale ugu tartamo doorasho uu doonayo in si ka hufan loo qabto.JSP iyo dhinacyadii ku xooganaa natiijadii hore waxay heli karaan fursad ay dib ugu raadiyaan guushii ay sheegteen inay gaareen.
Mahad Salaad iyo siyaasiyiinta kale ee Galmudug waxay heli karaan fursad ay ku dhisaan isbahaysiyo cusub.Dowladda Federaalka waxay wajahaysaa imtixaan ah in doorashada cusub loo maareeyo si aan loogu eedeyn faragelin ama eex siyaasadeed.
Qaar ka mid ah siyaasiyiinta ayaa si adag u dhaleeceeyay go’aanka Maxkamadda, iyagoo ku tilmaamay mid aan caddaalad ahayn ama siyaasad ku saleysan. Xildhibaan Cagaweyne, tusaale ahaan, wuxuu ku dooday in go’aanka uu lahaa dhinac siyaasadeed oo la xiriira hannaanka doorashada tooska ah.
Hirshabeelle maxay uga dhigan tahay?Haddii Galmudug doorashadeeda laalay, Hirshabeelle ma wajahaysaa xaalad la mid ah?Go’aanka Maxkamadda Sare ee Galmudug si toos ah uma burinayo, uma joojinayo mana beddelayo doorashada Hirshabeelle.Laakiin wuxuu noqon karaa tusaale sharci iyo siyaasadeed oo ay dhinacyada Hirshabeelle si dhow u eegaan.
Haddii doorashada Hirshabeelle lagu qabto iyadoo ay jiraan khaladaad culus oo la xiriira habraaca doorashada, dhinacyada siyaasadeed waxay isku dayi karaan inay arrinta u gudbiyaan hay’adaha sharci ee awoodda u leh.