Djibouti (KAAB TV) -Madaxweynaha Soomaaliya Xasan Sheekh Maxamuud oo maanta gaaray magaalada Jabuuti ee xarunta dalka Jabuuti ayaa la kulmay dhiggiisa dalkaas Ismaaciil Cumar Geelle.
Labada Madaxweyne ayaa ka wada hadlay xoojinta xiriirka qotada dheer ee ka dhaxeeya iyo sidii kor loogu qaadi lahaa iskaashiga dhinacyada kala duwan, sida amniga iyo dhaqaalaha.
Waxay ku heshiiyeen in la xoojiyo dadaallada wadajirka ah ee lagu horumarinayo nabadda iyo xasilloonida gobolka, taasoo la jaanqaadeysa xaaladda siyaasadeed iyo tan amni ee hadda taagan.
Madaxweyne Maxamuud ayaa ku ammaanay Madaxweyne Geelle doorka muuqda ee uu ka qaatay ilaalinta nabadda iyo xasilloonida Geeska Afrika.
Jabuuti ayaa ka mid ah shanta dal ee sida weyn ugu deeqay howlgalka Midowga Afrika ee Soomaaliya (ATMIS) oo horay loogu yeeri jiray howlgalka Midowga Afrika ee Soomaaliya (AMISOM). Dalka ayaa la geeyay 960-askari oo fadhigoodu yahay magaalada Beledweyne, kuwaasi oo xarun u ah Waaxda Afaraad.