Maxaas (KAAB TV) – Faah faahin dheeraad ah ayaa kasoo baxeeyso Dagaal Culus oo ka dhacay degmada Maxaas ee Gobolka Hiiraan, waxaana dagaalka ka dhashay Khasaaro dhimasho iyo dhawac ah sida ay dadka deegaanka u sheegeen warbaahinta .
Dagaalkan oo udhaxeeyo Ciidamada dowlada iyo dadka deegaanka ayaa ka biloowday kadib markii Askar ka tirsan Ciidamada uu ku amray qof kamid ah dadka deegaanka in qoray uu wato uu dhulka dhigo, waxaana arintaas ka biyo diiday qofkii deegaanka ahaa sidaas ayuuna dagaalka ku biloowday.
Ciidamada Cali binnu dhaalib iyo kuwa deegaanka ayuu dagaal Saacado qaatay waxaa uu ku dhax maray degmadaas, waxaana ilaa 2 qof oo shacab ah oo dhawac kala duwan qabo la geeyay isbitaalka Guud ee degmada Maxaas ee Gobolka Hiiraan.
Waxaa Jiro Khasaaro dhankooda Gaaray Ciidamada dowlada , lakiin ilaa iyo hada ma Cada Khasaaraha Rasmiga ah
Dadka Deegaanka ayaa sheekay in Ciidamada dowlada ay Hoobiyaal ku garaaceeyn Xaafadaha degmada Maxaas inta uu dagaalka Socday. Maamulka Degmada Maxaas ee Gobolka Hiiraan ayaa Faah faahin ka bixiyay Dagaal Culus oo shalay ku dhax maray Degmada Maxaas Ciidamada Dowlada Soomaaliya iyo Kuwa Deegaanka.
Gudoomiyaha Degmada Maxaas Muumin Maxamed Xalane oo ka hadlay dagaalkasa ayaa sheegay in la kala dhax-galay Dhinacyadii ku galaamay Degmadaasi, isla markaana hada lagu jiro xalintooda.
Gudoomiye Muumin ayaa sidoo kale sheegay in Maamulka degmada oo kaashanayo Odoyaasha dhaqanka degmada ay ku baxeeyn Joojinta Dagaalkaasi, waxaana uu sidoo kale Beeniyay Warar lagu baahiyay Baraha bulshada kaasi oo ahaa in Ciidamada dowlada ay Hoobiyaal ku garaaceeyn Xaafado kamid ah degmada.
Dadka deegaanka ayuu Gudoomiyaha ugu baaqay in ay ka shaqeeyaan Nabad-galyada guud ee degmada Maxaas, isla markaana lala shaqeeyo Ciidamada dowlada Soomaaliya eek u sugan degmadaas.
Xiisad Culus ayaa manta ka taagan Degmada Maxaas, waxaana hada socda hub aruursi xoogan inkastoo ay socdaan dadaalo xoogan oo arintan lagu xalinayo