Baydhabo (KAAB TV) -Ilo wareedyo ku dhow dhow gobolka Baay ayaa sheegaya in maamulka Koonfur Galbeed ay gacanta ku dhigeen shaqsiyaad lala xiriirinayo dilka taliyihii ciidamada Daraawiishta ee degmada Bardaale, kaasoo shalay lagu dilay qarax miino.
Taliyaha la dilay ayaa lagu magacaabi jiray Yuusuf Maxamed Macallin Madey, waxaana qaar ka mid ah askartiisa ay ku dhinteen miinada, kaddib markii gaarigii ay wateen lala beegsaday, askarta la dilay ayaa la sheegay inay ilaalo u ahaayeen sida ay sheegayaan warar hoose.
Ciidamada ayaa markii ay sameeyeen howlgalo iyo baaritaano la xiriira sida ay wax u dhaceen waxa ay ku guuleysteen in ay gacanta ku soo dhigaan ilaa 5 ruux oo la sheegay in ay ku lug lahaayeen dilka taliyaha.
Ilo wareedyo ayaa sheegaya in shan ruux loo qaaday magaalada Baydhabo si baaritaano dheeraad ah loogu sameeyo, kuwaasoo ku saabsan ku lug lahaanshaha qaraxa, waxaana la filayaa in baaritaano culus lagu sameeyo.
Taliyaha dhintay ee dilka iyo dilka geystay ayaa maalmihii u dambeeyay waxa uu howlgalo amniga lagu xaqiijinayo ka waday nawaaxiga degmadaasi, kaasi oo qeyb ka ah howlgallada lagu xoreynayo Al-Shabaab.
Xaalada degmada ayaa wali kacsan, waxaana saameynta uu ku yeeshay taliyaha iyo askartii lagu dilay qaraxa miinada ay keentay baaqyo adag oo dhanka amaanka ah.
Dhacdadaan ayaa ku soo aadeysa xili gobolada Bay iyo Bakool ay ka socdaan howlgalo adag oo ka dhan ah dagaalamayaasha Al-Shabaab oo lagu xoreynayo deegaanadaasi, islamarkaana fariisimo cusub ka sameysanayaan.
Ma jirto cid sheegatay mas’uuliyadda qaraxa lagu dilay taliyihii Bardaale iyo askarta kale ee la socday, inkastoo Al-shabaab ay dhowr jeer weeraro iyo weeraro khasaare geystay ka fuliyeen gobollada dalka inkastoo ciidamada dowladda Federaalka Soomaaliya ay howlgallo raaf ah ka wadaan, kooxdaasina ay dhul ballaaran ku waayaan ciidamada dowladda. xulafadooda.