Kismaayo (KAAB TV) – Waxaa maanta garoonka diyaaradaha ee magaalada Kismaayo diyaarad laga soo saaray askar katirsanaa ciidanka nabadsugidda iyo sirdoonka Qaranka Soomaaliya iyo askar kale oo iyana katirsanaa ciidanka booliiska sida gaarka ah u tababaran ee Haramcad.
Sidoo kale, Askartan Kismaayo diyaarada laga saaray oo gaaraya ilaa lix askari ayaa kamid ahaa ciidankii dowladda Soomaaliya geysay deegaanka Raaskambooni ee gobolka Jubbada Hoose, waxaana ciidankan gacanta ku dhigay oo hubka ka dhigay kuwa maamulka Jubbaland.
Dhanka kale, Taliyaha Hoggaanka Baarista Dembiyada (CID) ee Booliska Jubbaland, Kabtan Cumar Xujaale Cabdi iyo saraakiil kale, ayaa garoonka diyaaradaha ee magaalada Kismaayo ka soo sagootiyay askartan katirsaneyd ciidanka dowladda.
Ugudambeyntii, Maamulka Jubbaland, ayaa horey deegaanka Raaskambooni ee gobolka JUbbada Hoose diyaarado kasoo saaray ciidamo badan iyagoo usoodiray magaalada Muqdisho sanaa ku waas oo lagu qabtay dagaalkii ka dhacay deegaanka Raaskanbooni, halka kuwa kalana xadka Kenya galeen.