Boorama (Kaab TV)– Caro dad weyne oo xooggan ayaa ka dhalatay dil askari ka tirsan ciidanka Somaliland gaar ahaan kuwa xeebaha uu sarkaal ka tirsan ciidanka ugu geystay magaalada Lawyacaddo.
Bulshada gobolka Awdal qaar kamid ah ayaa ka mudaharaaday dilka sarkaalkan oo lagu magacaabo Khadar Xabeeb Ciidamada Booliska ayaa la arkayay iyaga oo xabad ku kala cayrinayay dadweynaha dhigayay banaanbaxan looga soo horjeedo dilka sarkaalkan kadib markii qaarkood ay xireen isku socodka gaadiidka ee wadada xiriirisa Dilla iyo Boorama.
Sidoo kale qof kale oo kamid ah dadweynaha dhigayay banaanbaxan ayaa yiri Hadraawigii reer Awdal ayaa baxay wixii ay Laascaanood ka kacday ayaa Boorama ka socda una dulqaadan mayno walaa Muuse Biixi ayaanaan ka baryayn Boorama Gojacadde ayay noqon doontaa.
Si kastaba ha’ahaatee ma ahan markii ugu horreysay ee ay dil dhexdooda ah isu geystaan ciidamada Somaliland ee ka howl-gala deegaanada maamulkaasi wallow uu dilkaan dhaliyay carro xooggan