Muqdisho (Kaab TV)– R/Wasaaraha Xukuumadda Jamhuuriyadda Federaalka Soomaaliya Xamze Cabdi Barre ayaa maanta daah-furay dhaqan-gelinta shuruucda Hay’adda Duulista Rayidka Soomaaliyeed oo la jaan qaadaysa heerarka caalaamiga ah ee hay’adaha duulimaadyada.
Shuruucda iyo habraacyada muhiimka ah ee hagaya hay’adda duulista rayidka ah oo ay meel-mariyeen goleyaasha dowladda ayaa suurta-galisay in hay’addu ay noqoto mid la jaanqaadaysa hay’adaha dhiggooda ah ee adduunka.
R/Wasaaraha ayaa ugu horreyntii bogaadiyey horumarka ay sameysay hay’adda duulista rayidka ah ayaa waxa uu sheegay in hay’addani ay ahmiyad gaar ah u leedahay qaranka, gaar ahaan dhinacyada dhaqaalaha.
“Waa guul weyn oo usoo hooyatay umadda Soomaaliyeed,” ayuu ra’iisul wasaaraha ku tilmaamay heerka ay maanta soo gaartay hay’adda duulista rayidka Soomaaliyeed.