Muqdisho (Kaab TV) – Faahfaahino dheerad ah ayaa kasoo baxaya qarax arroornimadii maanta ka dhacay maagalada Muqdisho kaas oo lagu xiray gaari nooca raaxada ah ee looyaqaano Parado.
Qaraxan oo ahaa nooca miinada lagu dhajiyo gawaarida ayaa ka dhacay agagaarka Saldhiga degmada Waaberi.
Wararka ayaa sheegaya gaariga lagu dhajiyay miinada in uu lahaa nin lagu magacaabo Axmaad Garaar, kaasi oo ah Xoghayaha xildhibaan Cabdiraxmaan Cabdishakuur Warsame.
Sidoo kale waxaa burbur xoogan soo gaaray gaariga lagu dhajiyay miinada kaasi oo marayay waddada Maka Al-Mukarama.
Wararka ayaa intaas kusii daraya in ninkii watay gaarigan uu dhaawac xooggan soo gaaray kadib loola cararay Isbitaalada kuyaala magaalada Muqdisho.
Majirto cid sheegatay qaraxan sidoo kale dhanka laamaha amaanka dowladda Soomaaliya wali kama aysan hadlin qaraxaan.
Qaraxa kadib waxaa dib usoo laabtay isku socodka dadka iyo gaadiidka xaalada ayaa haatan ah mid dagan.
Weerarkan ayaa imaanaaya, ayada maalmihii lasoo dhaafay ay daganeyd xaaladda magaalada Muqdisho marka loo fiiriyo xilliyadii hore oo ay ka dhici jireen weeraro joogta ah.
Hasayeeshee, kooxda Al-Shabaab ayaa haatan culeys xoogan soo saartay magaalada Muqdisho, kadib markii ay la kulantay dagaallada culus ee kaga socda koonfurta iyo bartamaha Soomaaliya.