Laascaanood (Kaab TV) – Wararka naga soo gaaraya Magaalada Laascaanood ee Xarunta gobolka Sool ayaa waxaa ay sheegayaan in duleedka magaaladaas uu ka socdo dagaal u dhaxeeya Ciidamada Somaaliland iyo kuwa xoogagga SSC.
Xalay ilaa waaberigiii hore ee saaka ayaa la dareemayay xiisad dagaal oo u dhaxeeysay labada dhinac balse dagaalka uu Maanta billaawday, waxaana uu sigaar ah uga socdaa aagaga Bari iyo Galbeed ee Magaalada Laascaanood.
Goobjoogayaal ayaa waxaa ay sheegeen inay maqlayaan dhawaqa rasaasta ay isku ridayaan labada dhinac, waxaana meelaaha qaar ku dhacay Hoobiyeyaal ay isku ridayaan labada dhinac, waxaana ka dhashay khasaaro isugu jira dhimasho iyo dhaawac.
Magaalada laascaanood iyo degaannada hoostaga ayaa waxaa weli ku dagaalamaya Ciidamada Somaliland iyo kuwa xoogagga degaanka ee la magac baxay SSC, iyada oo aan weli xal loo helin dagaaladaas.
Lama oga sida ey wax noqon doonaan iyo halka ey wax ku dambeyn doonan maadaama dagaalka ka socda magaalada Laascaanood uu sii xoogeeystay baryihii udambeeyay.
Sidoo kale, waxaa jira khasaaro kala duwan oo kadhashay dagaalkan udhxeeyo ciidamada Soomaaliland iyo kuwa dadka deegaanka ee SSC Khaatumo, sida wararka qaar ey sheegayaan dhimashada ayaa hada kor udhaaftay kumanaan kun oo qofood halka dhaawacana uu intaas kabadan yahay.