Garowe (KAAB TV) – Guddiga doorashada Puntland ayaa ku dhawaaqay natiijada hordhaca ah ee doorashada goleyaasha deegaanka ee gobolka Nugaal taasoo muujineysa loolan adag oo u dhaxeeya xisbiyada waaweyn.
Magaalada Garoowe, Xisbiga Kaah ee uu hoggaamiyo Madaxweyne Deni ayaa helay 12 kursi, halka Xisbiga Horseed uu helay lix kursi. Xisbiga Sincad ayaa helay 5 kursi waxaana Mideeye, Shaqaalaha Runcad Mustaqbal iyo Ifiye uu min labo kursi helay Waxaa xusid mudan in 9 ka mid ah 33-ka kursi ee golaha deegaanka ay ku guuleysteen haween.
Kaah oo haysta aqlabiyadda 12 kursi, ayaa u baahan shan kale si loo xaqiijiyo xilka duqa magaalada Garoowe, inkastoo la filayey inuu helo codad badan. Tartanka ayaa weli si adag uga socda Godob Jiraan iyo Dangorayo, waxaana ku dhawaad codad siman ku kala helay xisbiyada Kaah Horseed iyo Sincad Kaah ayaa loo badinayaa in ay isbahaysi la sameysato dhinacyadan si ay u xoojiso mowqifkeeda.
Guddoomiyaha xisbiga Horseed ahna wasiirka deegaanka Puntland Maxamed Cabdiraxmaan Faroole oo ay aad isugu dhow yihiin madaxweyne Deni ayaa ku nuuxnuuxsaday in xisbigoodu aanu mucaarad ahayn balse uu yahay mid ay wada shaqeeyaan.
Doorashada golaha deegaanka ee gobolka Nugaal ayaa ah mid xasaasi u ah qaabaynta siyaasadda, waxaana si weyn loo sugayaa natiijada ka soo baxda.