MUQDISHO (Kaab TV) – Xalay magaalada Gaalkacyo waxaa ku dagaallamay labo malleeshiyo beeleed oo dhowaanahan colaad ku dhex maraysay galbeedka gobolka Mudug.
Waxaa la xaqiijiyay in ugu yaraan saddex ruux ay ku dhaawacmeen is rasaaseyn dhexmartay labada malleeshiyo oo isku rasaaseeyay bartamaha magaalada Gaalkacyo xalay oo Sabti ahayd.
Maamullada labada dhinac ee gobolka, ee Galmudug iyo Puntland, ayaa cambaareeyay falkaasi, waxayna sheegeen inay ku hawlan yihiin sidii xal loogu heli lahaa colaadda ka aloosan galbeedka Mudug.